MANILA, Philippines – Nagbalik na ang operasyon ng
Pasig River Ferry Service nitong Huwebes, Mayo 21, kasunod ng maintenance work sa mga bangka nito na nasira dahil sa malaking volume ng mga basura sa ilog, ayon sa Metropolitan Manila Development Authority (MMDA).
Ang serbisyo ng ferry ay suspendido mula Martes na ayon sa MMDA ay “severe increase of trash in the river that is causing damage and malfunctions to the boats.”
“The MMDA Pasig River Ferry Service’s operations have returned to normal today after repairs to the ferry boats affected by the amount of garbage in the river recently,” saad sa abiso ng MMDA ngayong Huwebes.
“The ferry fare remains free,” dagdag pa.
Matapos ianunsyo ang suspensyon ng operasyon noong Martes ay siniguro ng MMDA na nagpapatuloy ang clean-up operations.
Nagpatuloy ang suspensyon ng serbisyo ng ferry hanggang Miyerkules dahil sa preventive maintenance work sa lahat ng mga bangka nito. RNT/JGC
