MANILA, Philippines- Nakipagpulong si Pangulong Ferdinand “Bongbong” Marcos Jr. nitong Martes sa Metropolitan Manila Development Authority (MMDA) upang talakayin ang Comprehensive Traffic Management Plan (CTMP) para sa Metro Manila at mga karatig-lalawigan.
Ayon sa Presidential Communications Office (PCO), nilalayon ng CTMP na magtatag ng “inclusive, people-oriented, sustainable mobility system.”
Magagawa umano ito sa pamamagitan ng pagpapahusay sa transportation infrastructure at pagpapatupad ng epektibong traffic management strategy, base sa PCO.
Dumalo sa nasabing pulong sina MMDA chairman Romando Artes, Executive Secretary Lucas Bersamin, Department of the Interior and Local Government (DILG) Secretary Jonvic Remulla, Department of Public Works and Highways (DPWH) Secretary Manuel Bonoan at Department of Transportation (DOTr) chief Jaime Bautista. RNT/SA