PBBM nag-ikot sa palengke para sa ‘Bantay-Presyo’

MANILA, Philippines – Nakiisa si Pangulong Ferdinand R. Marcos Jr. sa Special Joint Price and Supply Monitoring ng Trade and Industry Department at ng Department of Agriculture ngayong umaga ng Miyerkules, Marso 18, upang personal na makita ang takbo ng presyo at suplay ng mga pangunahing bilihin.

Ito’y sa gitna ng ginagawang pagbabantay ng gobyerno sa presyo at suplay ng mga pangunahing bilihin lalo pa’t nagtaas na ang presyo ng produktong petrolyo.

Sa nasabing joint monitoring, inikot ng Pangulo ang Agora Market sa San Juan City sa Maynila,para titiyaking abot-kaya pa din ang presyo at sapat ang suplay ng pagkain gayundin ang pangunahing bilihin para sa publiko sa gitna ng epekto ng krisis sa Middle East.

Bahagi ng Price and Supply Monitoring ang paghahambing sa aktwal na presyo ng mga pangunahing bilihin gaya ng bigas, gulay at prutas, karne, isda at basic goods gaya ng de lata, asukal at mantika.

Nakasama ni Pangulong Marcos sa pag-iikot sina Agriculture Secretary Francisco Tiu Laurel at DTI Secretary Maria Cristina -Roque. (Kris Jose)