MANILA, Philippines – NAKATANGGAP si Pangulong Ferdinand Marcos Jr. ng mga rekomendasyon para mas palakasin ang airpower capability ng bansa.
Dumalo kasi ang Pangulo sa command conference ng Philippine Air Force (PAF).
Sa isang kalatas, sinabi ng PAF na nagbigay ng kaalaman ang commanding general nito na si Lieutenant General Stephen Parreño, at iba pang air force officials kay Pangulong Marcos ukol sa mga paraan para i-develop ang kakayahan ng PAF sa idinaos na 2nd quarter command conference sa Villamor Airbase sa Pasay City
Ang mga suhestiyon ayon sa PAF ay naglalayong ”effectively guard and defend our nation from various emerging security challenges, including enhancing our capabilities for disaster response.”
Samantala, pinasalamatan naman ng PAF si Pangulong Marcos para sa kanyang gabay at personal engagement sa mga military officials sa isinagawang command conference.
”We look forward to his continuous support in our modernization efforts to become a truly capable, credible, and sustainable Air Force that our nation needs and deserves,” ayon sa PAF. Kris Jose
