Home NATIONWIDE PBBM nalungkot sa pagpanaw ni Gloria Romero

PBBM nalungkot sa pagpanaw ni Gloria Romero

MANILA, Philippines – LABIS na ikinalungkot ni Pangulong Ferdinand Marcos Jr., nang marinig ang pagpanaw ng tinaguriang Queen of Philippine Cinema noong 1950’s na si Ms Gloria Romero.

Si Gloria Romero, Gloria Anne Borrego Galla sa tunay na buhay ay pumanaw sa edad na 91, araw ng Sabado, Enero 25.

Inalala pa ng Pangulo nang una niyang makilala si Gloria Romero sa set habang gumagawa ng pelikula na may titulong “Iginuhit ng Tadhana”, at doon na nagsimula na hangaan niya ang trabaho ng akres.

Para sa Pangulo, Si Gloria Romero ay “always a great lady” na may dignidad ng tunay na bituin.

“Not just a brilliant artist but a very fine person, the world of Filipino cinema and all of entertainment will never forget her,” aniya pa rin.

Sa ulat, ang aktres na si Lovely Rivero ang unang nagpost sa kanyang Facebook account na Lovely Rivero 11 nang pagpanaw ni Gloria Romero.

Ang caption sa mga larawan ni Ms Gloria, ““Rest well, our Movie Queen, Tita GLORIA ROMERO. Praying for the repose of your soul & for strength for @chefmgutierrez, Chris & the whole family during this very difficult time.”

Samantala, naglabas na rin ang pamilya ng veteran actress at movie icon ng official statement sa pamamagitan ng social media post ng kanyang anak na si Maritess Gutierrez.

“TO OUR DEAREST FAMILY, RELATIVES, AND FRIENDS: It is with great sadness to announce the passing of my beloved Mother, Gloria Galla Gutierrez aka Gloria Romero, who peacefully joined our Creator earlier today. “In this time of loss, our family deeply appreciates the support, prayers, sympathy, all the lovely messages, and heartfelt condolences that we’ve received. She will surely be missed dearly,” saad ng kanyang nag-iisang anak. Kris Jose