MANILA, Philippines- Sinabi ng Department of Finance (DOF) na handa ang ekonomiya ng Pilipinas sa pagharap sa anumang potensyal na negatibong epekto ng El Niño phenomenon ngayong taon.
Sa isang kalatas, sinabi ng DOF na ang 2024 gross domestic product (GDP) target ng national government ay 6.5% hanggang 7.5%, kinokonsidera ang panganib na iniuugnay sa magtatagal na dry spell.
Paliwanag ng DOF, ang paglago sa 2024 ay pag-aalabin ng private consumption, inaasahan na ang inflation ay magbabalik sa target range na 2.0% hanggang 4.0 percent.
Noong nakaraang linggo, sinimulan na ng Department of Agriculture at iba pang ahensya na bawasan ang epekto ng “long dry spell” sa food production.
Minaliit naman ni National Economic and Development Authority Secretary Arsenio Balisacan ang potensyal na negatibong epekto ng El Niño sa ekonomiya subalit inamin na may posibilidad na tumaas ang presyo ng mga pangunahing bilihin.
Tinukoy ni Balisacan ang kahalagahan ng pagkakaiba ng malalang El Niño noong 1997-1998, sinabi nito na ang “current relative share of agriculture in the economy is much smaller, at around 10%.”
Dagdag pa sa El Niño, tinuran ng DOF na ang ekonomiya ay may kakayahan na matagalan ang gobal economic slowdown, ibang natural disasters, at maging ang geopolitical at trade tensions.
Tinukoy ng DOF ang “favorable factors” na magdadala sa paglago ng ekonomiya ngayong taon.
“These include declining oil prices, strong public spending, increased investments attracted by the country’s solid macroeconomic fundamentals and investment-grade credit ratings, the implementation of structural reforms, and rising demand for Philippine exports as supply chain bottlenecks ease,” ayon sa DoF.
“A broad-based expansion in all major sectors of the economy led by services, and industry is expected to drive growth on the supply side,” dagdag ng departamento.
“The passage of proposed legislative reforms will also help ensure the funding for the P5.77 trillion national government budget for 2024 and will allow the attainment of the deficit target of 5.1 percent of GDP in 2024,” anito pa rin.
Samantala, sinabi ni Finance Secretary Benjamin E. Diokno na ang economic team ay patuloy na makikipagtulungan sa Kongreso sa pagsusulong para sa “key reforms” na mahalaga para pabilisin ang economic development. Kris Jose
