Home NATIONWIDE PH kinilala sa cybersecurity sa World Economic Forum

PH kinilala sa cybersecurity sa World Economic Forum

MANILA, Philippines- Sinabi ng Department of Information and Communications Technology (DICT) nitong Huwebes na kinilala ang Pilipinas bilang isang role model sa pagtugon sa cybersecurity at cybercrimes sa World Economic Forum (WEF) kamakailan sa Davos, Switzerland.

Sa “Bagong Pilipinas Ngayon” episode nitong Huwebes, sinabi ni DICT Secretary Ivan John Uy na tampok ang Pilipinas sa video ng WEF noong Jan. 15 para sa pangunguna nito sa pagtugon sa global cybersecurity challenges, partikular sa global rise ng “grandparent scam” na tuma-target sa matatanda.

“Ang pinu-push natin is cyber hygiene. Ano po iyong cyber hygiene? Matuto tayo na maging mas maingat sa ating mga transactions online,” ani Uy.

“Cyber hygiene ay hindi po ito (is not a) technical skill, this is a life skill. This is like teaching your children they need to wash their hands before they eat, ganoon na po kailangan niyan dahil pervasive ang internet connectivity, pervasive iyong cybercrime,” dagdag ng opisyal.

Ipinanawagan niya ang mas maigting na kolaborasyon sa social media platforms o anumang kompanya na nagbibigay ng communication tools.

“Ito rin po ang platform na ginagamit ng mga scammers upang manloko, nagso-social engineering sila, pinag-aaralan kung ano iyong weakness mo,” wika ni Uy.

Ayon pa sa DICT chief, isinusulong din niya ang mas malakas na “collective action” sa mga industriya at iba’t ibang bansa.

Binigyang-diin din sa WEF ang key measures na isinagawa ng Pilipinas upang palakasin ang cyber defenses nito tulad ng National Cybersecurity Plan 2023-2028.

“In issuing this policy, President Ferdinand R. Marcos affirmed that bolstering the security and resilience of the country’s cyberspace is aligned with one of the goals under the Philippine Development Plan 2023-2028, which is to ensure safety and security in cyber and physical spaces,” giit ni Uy. RNT/SA