MANILA, Philippines – Magsisilbing pangunahing manlalangoy ng Pilipinas si Kayla Sanchez sa darating na 33rd Southeast Asian Games sa Thailand.
Ang Fil-Canadian ay nakatakdang sumabak sa anim na event sa kanyang unang SEA Games.
Ang palaro ay gaganapin mula Disyembre 9 hanggang 20 sa Bangkok at ilang probinsya sa Thailand. Malaking pag-asa ang dala ni Sanchez dahil siya ay dalawang beses nang nakapag-uwi ng medalya mula sa Olympics.
Sa ginanap na national tryouts sa Rizal Memorial Sports Complex, pasok si Sanchez sa lahat ng qualifying standards, kasama rito ang 100m freestyle, 200m freestyle, 50m butterfly, 50m backstroke, 100m backstroke, at 50m freestyle.
Partikular na kahanga-hanga ang kanyang oras sa 100m freestyle na 55 segundo. +-Mas mabilis ito kaysa sa 55.83 na ginamit ni Quah Ting Wen ng Singapore para manalo ng ginto sa nakaraang SEA Games.GP/JC
