MANILA, Philippines- Bibisita sina US Secretary of State Antony Blinken at Japan Foreign Minister Yoko Kamikawa sa Manila sa susunod na linggo upang pag-usapan ang pagpapalakas sa defense at economic ties bago ang summit ng mga pinuno sa US sa susunod na buwan, ayon sa Philippine government sources nitong Miyerkules.
Unang darating si Blinken sa Manila sa March 18 para sa bilateral talks kasama si Philippine Foreign Affairs Secretary Enrique Manalo at iba pang senior Philippine officials bago ang kanilang March 20 trilateral ministerial meeting sa Kamikawa, batay sa mga source.
Nangunguna sa kanilang agenda ang planong trilateral summit nina US President Joe Biden, Japanese Prime Minister Fumio Kishida at Pangulong Ferdinand “Bongbong” Marcos Jr. sa White House sa Washington DC sa April 11, ayon pa rin sa mga source.
Pinaigting din ng US at Japan ang kanilang trade at investments sa Pilipinas, at pinalakas ang defense cooperation.
“Japan is really a major partner and ally for our defense and security plus our economic relations,” sabi ng senior Philippine official na may kaalaman ukol sa high-level meetings.
Nakatakda namang bumisita si Kishida sa US sa April 10. RNT/SA
