SHENZHEN, China – Nilagdaan na ng Pilipinas at Chile ang Comprehensive Economic Partnership Agreement (CEPA) matapos ang dalawang taong negosasyon, na siyang kauna-unahang free trade agreement (FTA) ng bansa sa isang bansang Latin American.
Nilagdaan ang kasunduan sa bilateral meeting nina Pangulong Ferdinand Marcos Jr. at Chilean President Jose Antonio Kast sa Shenzhen nitong Huwebes ng hapon, Nobyembre 19.
Sinabi ni Marcos kay Kast na matagal nang inaasam ng Pilipinas ang naturang kasunduan.
“I am very happy that we have this opportunity to meet with you after all of the work that our two countries have been doing with each other, and of course with the highlight is the conclusion of the negotiations of the free trade agreement,”
“This is something that we very much hoped for. We’re very happy that we have finally come to a formal agreement,”
Ayon sa Pangulo, magbubukas ang CEPA ng mga bagong oportunidad sa kalakalan at pamumuhunan, at magpapalawak ng kooperasyon na inaasahang magbibigay ng konkretong pakinabang sa mga negosyo at mamamayan ng dalawang bansa.
“The FTA is going to provide us with a very, very important foundation to build on to make this trade, this relationship, not only in trade, not only between governments, but between our people, stronger, more vibrant, and deeper,”
Ipinaliwanag ni Marcos na nagsimula ang pagsusulong ng kasunduan matapos ang pandemya ng COVID-19, nang makita ng mga bansa ang pangangailangang pag-ibahin ang pinagkukunan ng suplay at palakasin ang supply chains.
Dahil dito, naghahanap ang Pilipinas ng mga bagong katuwang sa kalakalan, kabilang ang mga bansa sa Latin America.
“I supposed the process begun after Covid, I think every country came to the conclusion that we have to diversify our sources of supply, we have to strengthen supply chains, not only in the traditional sense but also to find new supply chains,”
“So one of the polices that we have undertaken is to look to Latin America. That is why this FTA is so important to us because it will serve as certainly as an avenue of trade that simply did not exist before,”
Natapos noong Hulyo ang negosasyon para sa CEPA. Nilagdaan ito sa Maynila nina Trade Secretary Cristina Roque at Chilean Foreign Minister Francisco Pérez Mackenna, sa harap nina Marcos at Kast.
Binigyang-diin din ng Pangulo na marami pang potensiyal na kooperasyon ang hindi napakikinabangan ng dalawang bansa sa kabila ng 80 taon nilang diplomatikong ugnayan. (KRIS JOSE)