MANILA, Philippines – Tiwala si British-Israeli lawyer Nicholas Kaufman na maipagtatanggol niya nang mahusay si dating Pangulong Rodrigo Duterte sa kaso nito sa International Criminal Court (ICC).
Bagong hirang bilang defense counsel, sinabi ni Kaufman na naghahanda siya ng pinakamalakas na depensa at inaasahang maaabsuwelto si Duterte sa lalong madaling panahon.
“At the present moment in time, I’ve just been appointed. It is my job and I’m privileged to carry this job out to compose the team for him. That would obviously be done in complete consultation with him and all those around him,” ani Kaufman.
Tumanggi siyang talakayin ang estratehiya ng depensa o iba pang kasapi ng legal team. RNT
