Home NATIONWIDE Pinas nagmintis sa economic growth target para sa ikalawang sunod na taon

Pinas nagmintis sa economic growth target para sa ikalawang sunod na taon

MANILA, Philippines- Nagpapatuloy ang ‘expansion streak’ ng ekonomiya ng Pilipinas sa nakalipas na tatlong buwan noong nakalipas na taon.

Subalit, hindi ito sapat para mabitbit ang full-year growth sa loob ng target range ng gobyerno.

Sa ulat ng Philippine Statistics Authority (PSA), ang economic growth para sa fourth quarter sa nakalipas na taon ay naitala sa 5.2%, hindi nagbago mula sa third quarter, at mas mabagal kaysa sa 5.5% sa kaparehong quarter noong 2023.

“This brought the full-year economic expansion to 5.6% faster than the 5.5% for the full-year 2023, but falling short of the government’s trimmed target range of 6.0% to 6.5%,” ayon sa PSA.

Ito rin ang ikalawang sunod na taon na nagmintis ang Pilipinas sa economic target nito matapos tamaan ang 5.5% noong 2023, na mababa sa 6.0% hanggang 7.0% target para ngayong taon. Nalampasan naman ng paglago ang target ceiling noong 2022 na may 7.6%.

Sa pinakabagong pigura, nakaposisyon ang Pilipinas bilang third fastest-growing economy sa rehiyon, kasunod ng Vietnam na may 7.5%, at Tsina na may 5.4%, at sa unahan o bago pa ang Malaysia na may 4.8%.

Ipinagpalagay naman ng National Economic and Development Authority (NEDA) ang deceleration sa setbacks na nakita sa nasabing taon, tinukoy ang mga dahilan na wala na sa kontrol ng gobyerno gaya ng weather disturbances at geopolitical tensions.

“In 2024, we faced numerous setbacks like extreme weather events, geopolitical tensions, and subdued global demand similar to the challenges we encountered in 2023. This suggests that these conditions may represent the new normal,” ang sinabi ni NEDA Undersecretary Rosemarie Edillon.

“Broken down in major economic sectors, services grew by 6.7% and industry by 5.6%, while agriculture, forestry, and fishing contracted by 1.6%. The agriculture sector alone fell by 2.2% or below the Department of Agriculture’s target range of 1.0% to 2.0%,” ayon sa ulat.

“The agriculture sector in particular faces several setbacks, particularly between late October until mid-November, when six typhoons struck the country in succession,” ang sinabi naman ni Edillon.

Inihayag pa ni Edillon na lumago ang manufacturing ng 3.1% lamang, napigilan ng ‘subdued global demand’ dahil sa geopolitical tensions at ang mabagal na recovery ng advanced economies, kasama ang pangangailangan para sa semiconductors para i- update ang kanilang product offerings para matugunan ang tinatawag na ‘changing demand.’

“To achieve resilient economic growth, we need to diversify our sources of growth. For inclusive quality employment, we must encourage more investments in sectors that require workers with higher-level skills and further develop and agile workforce,” pahayag ni Edillon.

“To keep food inflation low and stable, we need to anticipate potential shocks and continue to employ multi-pronged approaches,” aniya pa rin.

Ang industriya na may pinakamalaking ambag sa annual growth ay ang wholesale at retail trade at ang pagkukumpuni sa motor vehicles at motorcycles na lumawig ng 5.6%, financial at insurance activities ng 9.0%, at construction ng 10.3%.

Ang household spending para sa taon ay tumaas ng 4.8%, habang ang government spending ay tumaas naman ng 7.2%. Ang exports ng mga goods ay lumago ng 3.4%, at imports naman ng 4.3%.

Ang gross national income ng bansa ay naitala sa 7.6%, at ang net primary income ay 26.1%. Kris Jose