MANILA, Philippines – Inihayag ni Philippine National Police Chief Gen. Rommel Francisco Marbil na “100% kumpleto” na ang paghahanda para sa halalan sa Mayo 12, 2025, kung saan handa nang i-deploy ang 163,000 pulis sa buong bansa.
Aktibo na ang National Election Monitoring Action Center (NEMAC) at Media Action Center ng PNP para sa real-time na koordinasyon at pagbibigay ng impormasyon.
“Handa na kami para sa halalan… Ang layunin namin ay zero violence,” ani Marbil, na binigyang-diin din ang suporta ng PNP sa transportasyon ng automated counting machines.
Hinikayat niya ang publiko na i-report ang vote buying sa E-911 at pinaalalahanan ang mga pulis na manatiling apolitical. Santi Celario
