MANILA, Philippines – Sinampahan ng kasong administratibo ang isang police major sa umano’y sexual harassment sa isang kadete ng Philippine National Police Academy (PNPA).
Ayon sa National Police Commission (Napolcom), binuksan nito ang imbestigasyon sa naturang kaso.
Nitong Biyernes, Agosto 22, sinampahan na ng reklamo ng Inspection, Monitoring and Investigation Service (IMIS) ng NAPOLCOM ang police major sa ilalim ng Legal Affairs Service ng ahensya para sa grave misconduct at conduct unbecoming of a police officer.
Ang police major na isang tactical officer sa Philippine National Police Academy (PNPA) ay inaresto matapos na lasingin ang isang lalaking kadete at pagsamantalahan sa campus sa Silang, Cavite noong Hulyo 31.
Inihain ang reklamo para sa acts of lasciviousness laban sa PNPA officer sa Silang-Amadeo Municipal Circuit Trial Court noong Agosto 7. RNT/JGC
