MANILA, Philippines – Binawi ng Pilipinas ang pansamantalang pagbabawal sa pag-angkat ng poultry mula Israel at South Dakota, USA matapos ideklara na ligtas na ang mga lugar mula sa highly pathogenic avian influenza (HPAI), ayon sa Department of Agriculture (DA).
Sa inilabas na administrative orders, muli nang pinapayagan ang pag-angkat ng poultry meat, ibon, day-old chicks, hatching eggs, at semen para sa artificial insemination.
Ayon kay DA Secretary Francisco Tiu Laurel Jr., “These decisions are based on scientific evidence and international reporting standards to ensure both biosecurity and a stable supply of poultry products.”
Kumpirmado ng World Organization for Animal Health na walang naitalang bagong kaso ng bird flu sa Israel at South Dakota mula pa noong kalagitnaan ng Hulyo. Santi Celario
