MANILA, Philippines – Pormal nang binuo ng Kamara ang isang 11-member “powerhouse” prosecution team na haharap sa Senado para sa nakatakdang impeachment trial ni Vice President Sara Duterte.
Sa naging sesyon ng Kamara inaprubahan ang mosyon ni Las Piñas Rep. Mark Anthony Santos para ihalal ang mga mambabatas na bihasa sa batas bilang mga opisyal na taga-usig ng Kamara.
Ang 11-Member Prosecution Panel ay kinabibilangan nina:
Rep. Gerville “Jinky Bitrics” Reyes-Luistro (Batangas, 2nd District) – Chairperson ng House Committee on Justice.
Rep. Leila M. de Lima (Mamamayang Liberal Party-list) – Senior Deputy Minority Leader at dating Justice Secretary.
Rep. Jose Manuel “Chel” I. Diokno (Akbayan Party-list) – kilalang human rights lawyer at dating dekano ng DLSU College of Law.
Rep. Joel R. Chua (Manila, 3rd District) – Chairperson ng Committee on Good Government and Public Accountability.
Rep. Terry L. Ridon (Bicol Saro Party-list) – Chairperson ng Committee on Accounts.
Rep. Ysabel Maria J. Zamora (San Juan City) – Assistant Majority Leader at UP-trained litigation lawyer.
Rep. Lordan G. Suan (Cagayan de Oro, 1st District) – Chairperson ng Committee on Public Information.
Rep. Jonathan Keith T. Flores (Bukidnon, 2nd District) – Vice Chairperson ng House Committee on Justice.
Rep. Ramon Rodrigo “Rodge” D. Gutierrez (1-Rider Party-list) – Deputy Majority Leader.
Rep. Arlene “Kaka” Bag-ao (Dinagat Islands, Lone District) – Human rights lawyer at dati ring prosecutor sa impeachment trial ni dating Chief Justice Renato Corona.
Binigyang-diin sa Kamara ang bigat ng track record ng mga miyembro ng panel. Kabilang dito si De Lima na naging bahagi ng “100 Most Influential People” ng Time Magazine, at si Diokno na nagsilbi ring private prosecutor sa impeachment ni dating Pangulong Joseph Estrada.
Ayon kay Rep. Luistro, ang hakbang na ito ay hindi lamang tungkol sa numero kundi sa pagtitiyak na masusunod ang tamang proseso sa ilalim ng Konstitusyon. Gail Mendoza
