MANILA, Philippines – Pirmado ni Pangulong Ferdinand “Bongbong” Marcos Jr. ang batas na magpapalawig ng prangkisa ng Manila Electric Company (Meralco) ng 25 taon.
Ang batas, na nilagdaan noong Abril 11, ay kinumpirma ni Executive Secretary Lucas Bersamin.
Ipinahayag ni Manuel Pangilinan, chairman ng Meralco, ang pasasalamat kay Marcos para sa suporta, at binigyang-diin ang pangako ng kumpanya na magbigay ng matatag, maaasahan, at abot-kayang kuryente.
Ang pag-renew ng prangkisa ay magbibigay daan sa Meralco na mamuhunan sa pangmatagalang proyekto sa enerhiya, pagpapabuti ng paghahatid ng kuryente, at pagpapahusay ng karanasan ng mga customer. RNT
