MANILA, Philippines -IPINAGPALIBAN ng Department of Agriculture (DA) ang pagsisimula ng procurement activities para sa implementasyon ng farm-to-market road (FMR) projects sa Mayo bunsod ng costing adjustments sa gitna ng price pressures sanhi ng global oil crisis.
“The challenge now is, because the price of fuel is rising, we cannot finalize the costing per kilometer of FMRs so we are closely coordinating with the Department of Public Works and Highways (DPWH) to standardize the price,” ayon kay DA Undersecretary for Agri-Industrial Marine Systems Arrey Perez.
“We are expecting that by May, we will begin the procurement process for this,” aniya pa rin.
Layon ng DA na simulan ang konstruksyon ng FMR projects, sinalo nito mula sa DPWH sa gitna ng flood control corruption scandal, ngayong Abril ng taong kasalukuyan.
Sa ilalim ng 2026 General Appropriations Act (GAA), nakakuha ang DA ng alokasyon na P33 billion para itayo ang 2,300 kilometro ng bagong FMRs sa buong bansa.
Para naman kay DA spokesperson Assistant Secretary Arnel de Mesa, kinakailangan ang costing adjustments upang matiyak na ang bidding ng FMR projects ay matagumpay.
“If we will use the previous costing scheme, it may result in failed bidding… so we need to adjust to ensure that our procurement and implementation will be successful,” ang sinabi ni De Mesa.
Gayunman, sinabi ni Perez na walang pagkaantala sa implementasyon lalo pa’t ang bisa ng budget ay dalawang taon.
Idinagdag pa ni Perez na ang standard practice para sa infrastructure projects ay ang konstruksyon, nagsimula ng second o third quarter ng taon, at inaasahan na matatapos sa susunod na taon. KRIS JOSE
