Hindi na napiga ng mga Senador si dismissed Bamban, Tarlac Mayor Alice Guo nang humarap sa pagpapatuloy
ng pagdinig ng Senado.Ginigisa ng mga senador si Sual, Pangasinan Mayor Liseldo Dong Calugay sa posibilidad na relasyon o ugnayan nila ni Guo. CESAR MORALES
MANILA, Philippines- Sumasailalim sa legal na proseso ang pagkansela sa birth certificate ni dating Banbam Mayor Alice Guo, na pawang Guo Hua Ping sa tunay na pangalan, kaya’t nananatili pa ito “valid” sa ngayon, ayon sa Philippine Statistics Authority (PSA).
Sa ginanap na pagdinig ng Senado hinggil sa panukalang paghihigpit sa pagpaparehistrong sibil at vital statistics system ng Senate committee on justice and human rights, itinanong ni Senador Win Gatchalian sa PSA hinggil sa kalagayang-legal ang birth certificate ni Guo.
“Until now, correct me if I’m not mistaken, the birth certificate of Guo Hua Ping is still valid. It’s not yet canceled, correct?” tanong nya.
“It’s still undergoing legal process,” tugon ni Clemente Manaog, ang PSA deputy national statistician, bilang officer in charging ahensya.
“But when we discover[ed] this irregular birth certificate, it was around April of last year. We’re talking about 10 months already, since last year. It’s very obvious her birth certificate was filled with fake information given by her alleged father, who was also carrying [a] fake birth certificate,” giit naman ni Gatchalian.
Dagdag ng senador: “In other words, it takes time. We all know that it’s [a] fake birth certificate, but it takes time to cancel it. So kung magpipilosopo siya, she can still run for mayor using her fake birth certificate, right?”
Naniniwala ang awtoridad na nakuha ni Guo ang kanyang Filipino citizenship sa ilegal na pamamaraan sa pamamagitan ng late birth registration scheme.
Noong nakarang Hulyo ng 2024, naghain ng petisyon si Solicitor General Menardo Guevarra sa Regional Trial Court ng Tarlac na kanselahin ang birth certificate ni Guo base sa kabiguan nitong maghain ng kinakailangang dokumento para sa late registration ng kanyang kapanganakan.
Binanggit pa ni Gatchailan na kailangan ang mas komprehensibo at responsibong civil registration system, inihain nito ang Senate Bill No. 2914, na magbibigay sa PSA ng kapangyarihan na mag-imbestiga at kaagad ikansela ang birth certificate na kitang-kitang peke.
“My objective in filing this bill stemmed from our experience [with] the Pogo (Philippine offshore gaming operators) problem that we investigated exhaustively here in the Senate.
One of the biggest gaps, probably the biggest gap of all in that investigation, was the discovery of fake birth certificates,” aniya.
Sinabi pa ni Gatchalian na higit na mahihirapan ang awtoridad sa paghahanap ng pekeng birth certificate dahil nakakuha nito ng libong kopya ng pekeng dokumento sa isang bayan sa Davao del Sur na natuklasan sa isang pagdinig sa Senado hinggil sa Pogo industry.
“This is only one municipality. We’re talking about many local governments that can issue late-registered birth certificates. So, we need to identify the gaps in our processes, making sure that those gaps are plugged, and at the same time responses [should be] fast,” ani Gatchalian.
“Another objective of this bill is to be responsive. Once we have robust evidence that the birth certificate is already fake, if we can cancel it administratively and as quick[ly] as possible, let’s do it so that they will not use their fake birth certificate to do other criminal activities—like buy properties, set up businesses, run for public office,” giit pa niya. Ernie Reyes