Pulis-Maynila na inakusahan ng panggagahasa, sumuko sa NBI

MANILA, Philippines – Sumuko sa National Bureau of Investigation (NBI) ngayong Huwebes, Pebrero 5 ang pulis-Maynila na inakusahan ng panggagahasa sa isang babae.

Sa ulat, sinabi na ang pagsuko ng pulis ay matapos maglabas ng warrant of arrest ang korte sa Maynila laban sa kanya.

Inabuso umano ni Patrolmen Joshua Sevilla Mendoza ang biktima habang walang malay.

Ang dalawa ay galing umano sa isang kasiyahan sa Quezon City nang pansamantalahan ng pulis ang babae.

Nagsampa ang biktima ng reklamo laban sa pulis sa National Police Commission (NAPOLCOM).

Ayon sa NAPOLCOM, maaaring managot si Mendoza sa kasong grave misconduct at conduct unbecoming of a police officer. Jocelyn Tabangcura-Domenden