MANILA, Philippines- “Top choices” ng employers ang dalawang unibersidad sa pagtanggap ng mga empleyado.
Batay sa resulta ng survey ng online job portal JobStreet na inilabas nitong Lunes, nangunguna pa rin ang Polytechnic University of the Philippines (PUP) para sa mga kompanya sa 23.39 porsyento, at sinabing ang PUP graduates ay epektibong team players sa trabaho.
Isa pang government educational institution, ang University of the Philippines (UP) ang ikalawa naman sa 9.17 porsyento, sinundan ng De La Salle University (DLSU) sa ikatlong pwesto sa 6.88 porsyento.
Pinili rin ang UP at DLSU base sa kanilang reputasyon hanay ng kanilang institusyon sa industriya ng hirers.
Ika-apat naman ang University of Santo Tomas (UST) sa 5.28 porsyento habang ika-lima ang Mapúa University sa 3.44 porsyento.
Pasok din sa nasabing listahan ang Batangas State University (3.21 porsyento), University of Mindanao (2.29 porsyento), University of Cebu (2.06 porsyento), Technological Institute of the Philippines (TIP) (2.06 porsyento), at STI College (2.06 porsyento).
Isinagawa ang survey noong May 2023 sa 42 industriya na kinabibilangan ng 700 kompanya.
Base pa sa survey, ang top recruiters na tumatanggap ng mga graduate mula sa PUP at UP ay ay hirers mula sa information technology (IT), human resources, at call center/business process outsourcing (BPO) industries.
Samantala, karaniwan namang tinatanggap ang DLSU graduates sa healthcare, information technology, at property/real estate sectors.
Kinukuha naman ng mga kompanya mula sa call center/BPO, business consulting, at hospitality, ang mga kandidato galing UST, habang tumatanggap ang hirers ng construction, IT, at telecommunications ng graduates mula sa Mapua Institute of Technology.
“We hope that the insights shared through this survey can help in improving connections between jobseekers and employers,” pahayag ni JobStreet Country Manager Philip Gioca.
“Most importantly, more than these preferences, it is crucial for candidates to recognize and hone their own unique qualities and strengths that are primary factors for determining hireability and career growth,” dagdag niya. RNT/SA
