Home NATIONWIDE Quiapo Church may bagong kura paroko

Quiapo Church may bagong kura paroko

MANILA, Philippines – Itinalaga bilang bagong kura paroko ng Minor Basilica at National Shrine of Jesus Nazareno, na kilala bilang Quiapo Church si Fr. Ramon Jade Licuana, ayon sa Archdiocese of Manila nitong Miyerkules.

Sa Circular No. 2025-06, sinabi ni Fr. Isidro Marinay, Manila Archdiocese Chancellor, na mamumuno sa minor basilica si Fr.Licuana epektibo sa susunod na buwan.

“We are pleased to inform you that His Eminence, Jose Cardinal Advincula, appointed Fr. Ramon Jade Licuanan as rector and parish priest of the Minor Basilica and National Shrine of Jesus Nazareno (St. John the Baptist Parish – Quiapo Church),” sabi ni Marinay.

Si Licuanan ang hahalili kay Fr. Rufino “Jun” Sescon Jr., na itinalaga bilang bagong obispo ng Diocese of Balanga.

Bago ang kanyang appointment, si Licuanan ay nagsisilbing kura paroko ng Parokya ng San Felipe Neri sa Mandaluyong City.

Siya rin ang Executive Secretary ng Catholic Bishops Conference of the Philippines – Episcopal Commission on Youth, gayundin ang Commissioner ng Manila Archdiocese – Commission on Youth. (Jocelyn Tabangcura-Domenden)