CORDON, Isabela – Arestado ang isang mister sa kasong Statutory Rape (4 counts) na tinaguriang Top 7 Most Wanted Person sa Region 02 matapos isilbi ang kanyang warrant of arrest sa Brgy. Palma- Urbano Baguio City.
Sa direktiba ni PCol. Allen B. Bauding, Provincial Director ng Isabela Police Provincial Office o IPPO ay nakorner si alyas Nilo ng pinagsanib na pwersa ng mga kapulisan ng Isabela at Baguio City Police Office Station 5 Legarda sa bisa ng mandamiento de aresto na walang inirekomendang piyansa para sana sa kanyang pansamantalang paglaya.
Sa matagumpay na operasyon, ang suspek ay dinala sa Baguio City Police Office Station 5 para sa kaukulang dokumentasyon at tamang disposisyon bago ipinasakamay sa himpilan ng pulisya ng Cordon sa probinsya ng Isabela. Rey Velasco
