MANILA, Philippines- Isang House Resolution ang inihain sa Kamara ni OFW Partylist Rep. Marissa Magsino na naglalayong imbestigahan ang mga nagiging reklamo sa delayed flights ng domestic airlines sa bansa.
Sa House Resolution 1105, sinabi ni Magsino na apektado na ang mga pasahero na karamihan ay mga Overseas Filipino Workers (OFWs) dahil sa hindi maayos na serbisyo ng airlines.
“There have been consistent and perennial complaints from air passengers in and out of the country against a number of domestic airlines, of being offloaded due to overbooking, flight delays and cancellations without timely and valid explanations, long queues, mobile app glitches, lost baggage, unnecessary security checks, lackluster or unresponsive customer assistance service, and other operational issues that make travel to and out of the country a disappointing and frustrating experience,” paliwanag ni Magsino.
Aniya, may ilang OFWs pa ang naapektuhan ang kanilang employment contracts dahil sa delayed flights. Giit ni Magsino, hindi simpleng problema ang pagkakaroon ng ganitong pagkaantala kaya dapat manghimasok na ang Kamara para alamin ang pagkukulang ng airline companies.
“Napakalaking bahagi ng labor migration ang ating aviation industry. Ang mga pagbabago sa presyo ng flights, kaguluhan sa schedules, pati mga aberya sa ating mga paliparan, ay may direktang epekto sa kabuhayan ng ating mga OFW,” dagdag pa ng lady solon.
Umaasa ito na tutukan ng gobyerno ang kahinaan ng airlines ng bansa dahil apektado nito hindi lamang ang imahe ng bansa kundi maging sa ekonomiya at turismo.
“‘Bad service’ does not only negatively impact air passengers but also undermines critical pillars of the country’s economy – tourism and labor migration,” giit ng mambabatas. Gail Mendoza
