MANILA, Philippines – ITINUTURING ni Tourism Secretary Cristina Frasco na “most consequential” people-to-people ties sa rehiyon ang relasyon sa pagitan ng ASEAN at India.
“Our cooperation is part of a broader effort to strengthen connectivity, deepen economic linkages, and ensure that tourism growth remains expansive across the ASEAN,” ayon kay Frasco sa isinagawang 13th meeting ng ASEAN-India Tourism Ministers.
Aniya, ang relasyon sa pagitan ng ASEAN at India ay hindi napapanatili dahil lamang ng geography kundi sa pamamagitan ng matatag na paggalaw ng mga byahero, mga pamilya, estudyante at entrepreneurs.
Winika pa ni Frasco na para sa ASEAN, ang tourism engagements kasama ang India ay makatutulong sa paglago ng negosyo at nagpapatibay ng kumpiyansa sa destinasyon sa rehiyon.
Matatandaan na nagkaloob ang Pilipinas ng vise-free entry sa mga Indian tourists.
Pinapayagan ang mga Indian tourists na manatili sa bansa, visa-free, sa loob ng 14 na araw.
“The visa-free arrangement was aimed at boosting tourism arrivals from India, which rose 12% in 2024 to nearly 80,000,” ayon sa data ng Department of Tourism. Kris Jose
