Residential area sa Sampaloc, Maynila nasusunog!

MANILA, Philippines – Kasalukuyang nasusunog ang isang residential area sa Sampaloc, Maynila.

Mula sa Manila North Cemetery, natatanaw ang malakas na itim na usok na nagmumula sa Calamba St., kanto ng Sisa St. Sampaloc, Maynila.

Isang miyembro ng media naman ang humingi ng saklolo dahil nadamay ang kanilang bahay sa sunog.

Nakatulong naman ang pagbuhos ng ulan sa pag-apula ng Bureau of Fire Protection sa mga nasusunog na bahay kaya nakontrol ang mas malaking paglagablab ng apoy.

Hindi pa batid ang sanhi ng sunog na nagsimula bago mag-ala una ng hapon. Jocelyn Tabangcura-Domenden