MANILA, Philippines – Nakamit ng graduate mula sa University of the Philippines-Manila ang pinakamataas na iskor sa computer-based licensure examination for chemists na isinagawa ngayong buwan.
Nakuha naman ng graduate mula sa Batangas University ang pinakamataas na spot sa exam para sa chemical technician.
Ayon sa Professional Regulation Commission, 842 sa 1,150 ang nakapasa sa chemists computer-based licensure exam at 2,320 sa 2,766 ang nakapasa sa chemical technicians licensure exam, na ibinigay ng Board of Chemistry sa testing centers sa Metro Manila, Baguio, Cagayan de Oro, Cebu, Davao, Iloilo, Koronadal, Legazpi, Lucena, Pagadian, Pampanga, Rosales, Tacloban at Zamboanga.
Nakakuha si Crisandro Allen Rogel Lazo ng UP Manila ng score na 94.35% sa chemists computer-based licensure exam, habang top performing school naman na may 50 examinees ang University of the Philippines Los Baños, kung saan 62 sa 65 test takers nito ang nakapasa.
Samantala, para sa chemical technicians licensure exam, nakamit naman ni Abell Armamento Alcantara ng Batangas State University ang score na 95.50% grade, habang ang top performing school na may 50 examinees ay ang Technological University of the Philippines-Visayas, kung saan lahat ng 67 test takers nito ang nakapasa. RNT/JGC
