Ricardo, babalik na sa BQ!

Manila, Philippines- Tinututukan pala ng kanyang mga inmates ang Batang Quiapo kung saan nasa cast ang nakalaya nang si Ricardo Cepeda.

Matatandaang October 2023 nang i-serve ang arrest warrant sa aktor na noo’y nasa isang ribbon-cutting event sa Caloocan City.

Syndicated estafa ang kasong kinaharap ni Ricardo who pleaded not guilty dahil endorser lang daw siya ng mga herbal products ng kumpanya.

Kumpiyansa nga siyang mabilis na makakalaya, pero hindi nga ito ang nangyari.

Dalawang buwan muna siyang ikinulong sa Camp Caringal.

At pagkatapos ay inilipat sa Cagayan Provincial Jail sa Tuguegarao City.

Inabot din nang 11 months bago nakalaya si Ricardo.

In fairness, he was treated well daw by his fellow inmates.

Sa katunayan, paborito raw nilang panoorin sa piitan ang Batang Quiapo.

Ganoon na lang ang interes at pagkainip ng mga kapwa niya inmates kung kailan nila mapapanood uli ang tinawag nilang “sir” sa panggabing teleserye.

Tila the long wait will soon be over.

Ayon mismo kay Ricardo, tinawagan na raw siya ng pangunahing bida nitong si Coco Martin.

Inaayos na raw ang schedule ng kanyang balik-taping.

Bukod sa BQ, nakatakda ring gumawa si Ricardo ng pelikula.

Pero nais daw muna niyang namnamin ang kanyang paglaya to make up for lost time with his family. Ronnie Carrasco III