MANILA, Philippines – Bahagyang isasara ang westbound na bahagi ng R. Magsaysay Blvd., Manila sa loob ng apat na buwan para sa drainage construction activities simula ngayong linggo, sinabi ng Department of Public Works and Highways (DPWH) nitong Miyerkules.
Sa kanilang social media post, sinabi ng DPWH-North Manila District Engineering Office (NMDEO) na magsisimula ang mga gawain sa Setyembre 27 at inaasahang matatapos sa Enero 26, 2025.
“Rehabilitation works along the westbound lane will cover 214.00 linear meters from Pureza Street, and will cross eastbound 34.70 linear meters long, requiring partial road closure of the outermost lane,” sabi ng DPWH.
Pinapayuhan ang mga motorista na gumamit ng mga posibleng alternatibong ruta upang maiwasan ang paghina ng trapiko sa mga apektadong lugar. (Jocelyn Tabangcura-Domenden)
