MANILA, Philippines – Hinamon ni Vice President Sara Duterte si dating House speaker Martin Romualdez at dating mambabatas na si Zaldy Co na sabihin ang katotohanan sa mga alegasyon sa kontrobersyal na flood control projects.
“Kung totoo talaga na interesado si Zaldy Co at si Martin Romualdez sa hustisya, hindi lang para sa kanila sarili, kundi para na sa taong bayan at sa Pilipinas, dapat sabihin nila kung ano totoo,” ani Duterte sa pagharap sa mga tagasuporta at overseas Filipinos sa The Hague, Netherlands.
“Iba naman ang sinasabi ni Martin Romualdez at ni Zaldy Co,” aniya.
Sina Romualdez at Co ay idinawit sa maanomalyang flood control projects na itinanggi naman ng dalawa.
Wala pang tugon ang mga kampo nina Romualdez at Co kaugnay nito. RNT/JGC
