MANILA, Philippines- Sinabi ng legal team ng aktres at komedyante na si Rufa Mae Quinto nitong Biyernes na ang reklamong inihain laban sa kanya dahil sa umano’y paglabag sa Securities Regulation Code ay ibinasura dahil sa technicality.
Base sa kanyang abogadong si Atty. Joel Aspiras, ibinase umano ang dismissal sa procedural grounds, dahil hindi umano naisampa ng complainants ang kaso sa Securities and Exchange Commission (SEC) bago ito dalhin sa prosecutor’s office.
“‘Yung mga kaso niya na-dismiss na on the grounds that the complainants went directly to the fiscal’s office,” paliwanag ni Atty. Aspiras.
“Walang jurisdiction ‘yung court unless the SEC itself says na pwedeng isampa ‘yung kaso,” dagdag niya.
Ipinalabas ang desisyon ng korte noong April 24.
“I’m sure she’s elated. It’s something like a vindication. Kasi ang dami rin niya pinagdaanan na hirap dyan sa kasong yan,” anang abogado ni Quinto.
“Saka si Rufa Mae, she was not an investor, she was merely an endorser—just like Manny Pacquiao and others na hindi naman kinasuhan,” giit pa ng kampo niya.
“They have to make sure that ‘yung mga kino-complain nilang tao ay talagang involved. It’s so easy to accuse but it’s difficult to prove the accusation,” dagdag ni Aspiras. RNT/SA
