Home METRO Sandamakmak na basura iniwan ng mga deboto sa Quirino grandstand

Sandamakmak na basura iniwan ng mga deboto sa Quirino grandstand

Abala sa pagsunod sa prusisyon ng itim na poong Nazareno ang mga tauhan ng Department of Public Services (DPS) upang linisin ang mga kalat o basura na iniwan ng mga deboto. Jojo Rabulan

MANILA, Philippines – Tumambad ang sandamakmak na basura na iniwan ng mga deboto sa Quirino Grandstand sa Ermita, Maynila.

Mapapansin na ang mga iniwang mga basura ay mga plastic na karamihan ay mga plastic bottle, styrofoam at iba pa na ginamit sa pagkain.

Karamihan kasi ng mga deboto ay nagpalipas na ng magdamag sa Luneta para makadalo na rin ng Misa bago ang pag-arangkada ng prusisyon bago mag-alas singko ng umaga.

Ilang truck ng basura na rin ang dumating sa Quirino Grandstand upang linisin at hakutin ang mga basura.

Kapansin-pansin din na ilang mga tsinelas din ang nagkalat na maaring naiwanan na ng mga deboto dahil na rin sa dami ng tao na nagsisiksikan. (Jocelyn Tabangcura-Domenden)

Previous articleMga deboto sinubukan pa ring sumampa sa andas
Next article155 deboto sugatan sa Traslacion; buntis isinugod sa ospital!