MANILA, Philippines — Inakusahan ni Caloocan Representative Edgar Erice si House Majority Leader Sandro Marcos na may kinalaman umano sa kanyang pagtanggal bilang House Senior Deputy Minority Leader.
Ani Erice, mismong si Minority Leader Marcelino Libanan ang nagpaalam sa kanya na papalitan na siya sa posisyon.
“Sabi niya sa akin, pare, hindi ko na kaya iyong pressure sa itaas,” ani Erice, at idinagdag na sinabi umano ni Libanan na nakatatanggap ito ng mga tawag kapag pinupuna niya ang mga polisiya ng pamahalaan.
Sa isang privilege speech, sinabi ni Erice na wala siyang sama ng loob sa kanyang pagkakatanggal at ikinararangal pa niyang pinalitan siya ni Leila de Lima.
“Yesterday, I was removed and replaced as Senior Deputy Minority Leader without any stated reason. But let me say this clearly. I have no bitterness about my replacement. In fact, I am honored that I was replaced by a fellow liberal and a far stronger fighter for truth and justice, Congresswoman Leila de Lima.”
Iginiit ni Erice na bahagi lamang ng kanyang tungkulin bilang miyembro ng minority bloc ang pagpuna sa mga polisiya ng pamahalaan, kabilang ang usapin sa pambansang badyet at kontrobersiya sa flood control projects.
“I have faithfully performed my duty as Senior Deputy Minority Leader. I have raised questions. I have spoken the truth. I have offered well-meaning criticisms in the interest of accountability. But it appears that this House leadership does not welcome criticism,” aniya.
Binigyang-diin din niya ang usapin ng political dynasty, at tinukoy ang papel ng anak ni Pangulong Ferdinand Bongbong Marcos Jr. sa pamunuan ng Kamara.
“And that is the real problem of dynastic politics. When the President of the Republic has a son serving as Majority Leader of this House, there is an unavoidable conflict of interest,” ani Erice.
Gayunman, itinanggi ni Libanan na may presyur mula sa majority bloc sa pagpapalit sa posisyon ni Erice.
“We did not replace the senior deputy minority leader because there was pressure from above,” ani Libanan.
Samantala, tinutulan naman ni Deputy Speaker Janette Garin ang mga pahayag ni Erice at sinabing hindi dapat idamay ang majority bloc sa usapin ng pagpili ng mga opisyal ng minority. RNT
