MANILA, Philippines – Humarap si House Majority Leader Sandro Marcos sa Independent Commission for Infrastructure (ICI) nitong Huwebes, ngunit humiling ng closed-door o executive session, tulad ng mga naunang resource persons na nagpatestigo sa komisyon.
Ayon sa kanyang abogado, humiling si Marcos ng executive session, na inaprubahan naman ni ICI chief Andres Reyes Jr.
Nagpakita si Marcos sa ICI matapos igiit ni dating Ako Bicol Rep. Zaldy Co na siya ay naglagay ng hindi bababa sa P50 bilyon na public works projects sa 2023, 2024, at 2025 national budgets.
Ipinaliwanag na ang “insertions” ay tumutukoy sa anumang pagbabago mula sa National Expenditure Program na inihanda ng Department of Budget and Management sa paggawa ng general appropriations bill bago ito maipasa bilang batas. RNT/MND
