Home METRO Sapat na suplay ng tulong para sa displaced residents sa Bicol dahil...

Sapat na suplay ng tulong para sa displaced residents sa Bicol dahil sa shear line tiniyak ng OCD

MANILA, Philippines- Tiniyak ng Office of Civil Defense (OCD) na may sapat na pagkain, tubig at iba pang relief items para sa libo-libong katao na napilitang lumikas sa kanilang mga tahanan sa Bicol Region dahil sa matindi at malakas na ulan dahil sa shear line.

Sinabi ni Gremil Naz, tagapagsalita ng OCD regional office sa Bicol (OCD-5), na may 5,013 indibidwal o 1,440 pamilya ang nanunuluyan sa evacuation centers simula pa ng araw ng Linggo, Enero 12.

“So far, there are no concerns on relief goods and other needs of the evacuees because the DSWD [Department of Social Welfare and Development] is quick to replenish our resources. Other agencies such as the DOH [Department of Health] is very responsive too,” ang sinabi ni Naz sa isang panayam.

Sa ulat, ang mahina hanggang malakas na ulan na dala ng shear line ang nakaapekto sa Bicol Region simula Enero 7, nagresulta ito ng pagbaha sa maraming lugar sa Sorsogon, Camarines Sur, Camarines Norte, at Albay.

Mahigit sa P2 milyong halaga ng relief assistance ang naipagkaloob sa mga pamilya na apektado ng pagbaha, landslides at iba pang epekto ng shear line sa Bicol.

“Right now, we are still experiencing intermittent rains especially in the eastern side of Bicol,” ayon kay Naz.

“We have also monitored rain-induced landslides but the affected areas were quickly cleared by the local government units and DPWH [Department of Public Works and Highways],” dagdag na wika nito.

Isang lahar advisory naman ang ipinalabas ng Philippine Institute of Volcanology and Seismology (Phivolcs), nagbabala ang mga awtoridad sa posibleng lahar flow mula Mayon Volcano sa Albay.

“The Phivolcs issued a lahar advisory in Albay but so far, there’s no monitored lahar flow there,” ang sinabi pa rin ni Naz.

Pinayuhan din ni Naz ang publiko na maging alerto at i-monitor ang updates mula sa mga lokal na awtoridad.

“It’s possible that the rains will persist in the next few days in Bicol Region so let’s all just standby for advice from local authorities, specifically from the local DRRM [disaster risk reduction and management] offices on what to do to ensure everybody is safe,” ang tinuran ni Naz. Kris Jose