UNITED STATES – Nagkamit ng parangal ang P-pop group na SB19 sa Nickelodeon Kids Choice Awards 2024!
Ang grupo na kinabibilangan nina Pablo, Josh, Stell, Felip at Justin ay nanalo sa Favorite Asian Act category ng naturang kid’s choice awards ngayong taon.
Sa anunsyo sa Nickelodeon Kids Choice Awards 2024 sa pagkapanalo ng SB19, nagpasalamat ang grupo sa nakamit na pagkilala.
Ayon pa sa SB19 members, isang karangalan umano na irepresenta ang Pilipinas sa naturang awards show.
Nakalaban ng SB19 sa naturang kategorya ang K-pop group na ENHYPEN, Japanese group na NiziU, Malaysian singer na si Iman Troye at Indonesian actress-singer na si Tiara Andini.
Super proud naman ang mga fans ng SB19 sa another achievement ng grupo. Congratulations SB19! RNT/JGC
