MANILA, Philippines – Hindi naglabas ng temporary restraining order (TRO) ang Korte Suprema (SC) na agad sanang magpapahinto sa nagpapatuloy na impeachment proceedings laban kay Vice President Sara Duterte.
Sa halip, inatasan ng SC ang mga respondent na magsumite ng komento sa loob ng hindi na mapapalawig na 10 araw mula sa pagtanggap ng abiso.
Hindi pa malinaw kung tatalakayin pa ng SC ang hiling na TRO matapos maisumite ang mga komento.
Inilabas ang direktiba sa full court session ng SC noong Miyerkules. Ang petisyon ni Duterte ay may petsang Marso 30, 2026 at natanggap ng SC noong Abril 1.
Inatasang magsumite ng komento ang House of Representatives sa pamamagitan ni Speaker Faustino G. Dy III, ang House Committee on Justice sa pamamagitan ni Rep. Gerville A. Reyes Luistro, at ang Senado sa pamamagitan ni Senate President Vicente C. Sotto III, kasama ang ilang indibidwal na respondent.
Inihain ang petisyon sa pamamagitan ng Fortun Narvasa & Salazar law offices.
Sa kanyang petisyon, sinabi ni Duterte: “The impeachment proceedings against the petitioner (Duterte) are unconstitutional and continuing with them will result in a miscarriage of justice and a mockery of processes that our Constitution and laws have always aimed to protect.”
Ito ang ikalawang pagkakataon na kinuwestyon ni Duterte sa SC ang impeachment complaints laban sa kanya. Noong Hulyo 2025, idineklara ng SC na unconstitutional ang naunang impeachment complaint dahil lumabag ito sa one-year rule at sa due process, kaya’t walang hurisdiksyon ang Senado noon.
Nilinaw din ng SC na “it is not absolving Vice President Duterte from any of the charges against her, but any subsequent impeachment complaint may only be filed starting Feb. 6, 2026.”
Sa bagong petisyon, iginiit ni Duterte na ang House Committee on Justice ay tila nagsasagawa na ng “trial” laban sa kanya.
“It is evident that the proceedings before the respondent committee are, in truth and substance, a trial in disguise. Its members’ use of various nomenclatures such as ‘mini-trial,’ ‘hearing proper’ or a ‘process akin to a preliminary investigation’ does not change its true nature,” aniya.
Dagdag pa niya, ang ganitong proseso ay parang “fishing expedition” at paglabag sa tungkulin ng Senado bilang impeachment court.
Sinabi rin niya na wala umanong “no ultimate facts” sa mga reklamo laban sa kanya.
Kabilang sa mga alegasyon laban sa Bise Presidente ang umano’y maling paggamit ng confidential funds, hindi pagdedeklara ng assets, abuso sa kapangyarihan, at pagbabanta laban kay Pangulong Marcos.
Ngunit ayon kay Duterte, hindi sapat ang mga ito upang maituring na betrayal of public trust, graft and corruption, bribery, culpable violation of the Constitution, o high crimes.
Iginiit din niya na wala pang pinal na desisyon sa mga alegasyong ito.
“Unless urgently restrained, the respondents HOR and Committee on Justice will continue to trample upon not only petitioner’s constitutionally-guaranteed rights but also of all individuals subject of the respondent Committee on Justice’s compulsory processes.”
“The continuation of the proceedings before the House Committee on Justice will continue to harm not only the petitioner but also of the individuals subject of the subpoenas it issued.”
“How the Honorable Court decides the fate of the Vice President will not just reflect the individual beliefs of each Justice but also echo the sovereign will of the people and restore the Filipino people’s faith in government and the institutions that lead them.”
“It is a pivotal point in our history and it is the Supreme Court alone that can define the quality of our democracy and determine the course of our nation.”
Pinagsama ng SC ang petisyon ni Duterte sa nauna nang inihain ni lawyer Israelito P. Torreon laban sa House Committee on Justice. RNT/MND
