MANILA, Philippines – Hinimok ni Senate Deputy Minority Leader Risa Hontiveros ang Department of Foreign Affairs na kumilos kaagad sa kahilingan ng Senate committee on women, children, family relations, and gender equality para sa interview kay self-confessed Chinese spy She Zhijiang.
Sa pahayag, isinagawa ni Hontiveros, committee chairperson, ang panawagan sa gitna ng impormasyon na ililipat si She ng kulungan mulang Thailand kaya baka mahirapan nang makapanayam ang naturang spy.
“We have learned from media sources that She — who is charged with illegally operating a casino — is currently unreachable and has been moved to a different prison facility,” aniya.
“I am holding the Department of Foreign Affairs to its commitment during the latest Senate hearing that it is urgently exhausting all diplomatic and legal channels to allow Philippine officials, with permission by Thai authorities, to communicate with She,” dagdag ni Hontiveros.
Sinabi ni Hontiveros na kaya minamadali ang pagkilos ng pamahalaan dahil mahalaga ang makukuhang impormasyon kay She hinggil sa nalalaman nito kay dismissed Bamban, Tarlac mayor Alice Guo.
Base sa Al Jazeera documentary , ibinulgar ni She na pawang ahente si Alice Guo, o kilalang Guo Hua Ping, sa tunay na pangalan, ng Chinese Ministry of State Security.
“Kung hindi agarang kikilos ang pamahalaan, mawawalan tayo ng pagkakataon na pag-aralan ang impormasyon na hawak ni She, lalo na sa koneksyon ni Guo Hua Ping, at ng iba pang indibidwal, sa Ministry of State Security, o ang intelligence at secret police agency ng Tsina,” ayon kay Hontiveros.
“Given the possible serious implications to our national security of She’s claims, failure is not an option here. We must protect our citizens both against criminals preying on women, children and other vulnerable persons, and foreign spies working to compromise our nation’s safety,” ayon kay Hontiveros.
Bukod sa impormasyon kay Guo, sinabi ni Hontiveros na maaaring makakuha ng impormasyon kay She hinggil sa paniniwalang isa din na dayuhang espiya ang isa sa Yang brothers.
Mahigpit na pinabulaanan nina Yang at Guo na pawang espiya sila ng China taliwas sa ilang impormasyon na nagpapatunay sa kanilang pagkakakilanlan. Ernie Reyes
