MANILA, Philippines- Hinikayat ng isang senador ang Senate committee on national defense na iimbestigahan ang implikasyon sa patakaran, public safety at national security ang paggamit ng dayuhan patikular Chinese nationals ng pekeng dokumento upang palabasin na Filipino ang may hawak nito tulad ng passport.
Binanggit ni Senate Deputy Minority Leader Risa Hontiveros sa paghahain ng Senate Resolution 1001, hingggil sa “dramatic influx” ng foreign nationals sa bansa ang paglobo ng bilang ng Chinese students sa ilang pamantasan sa Cagayan at iba panglocal higher education institutions (HEIs).
“[A]ccording to informal reports from law enforcement agents, the use of these falsified or unlawfully-obtained documents has perhaps led to large numbers of foreign nationals concentrating in certain strategic areas of the country, the national security implications of which are currently investigated by our defense establishment,” ani Hontiveros sa panukalang resolusyon.
Inilahad ng senador ang ulat ng embahada ng Pilipinas sa Bangkok noong Abril 5 na nagsasabing may apat na Chinese national ang dinakip na nagsasabing sila ay Filipino na gumagamit ng Philippine passports, birth certificates na ibinigay ng Philippine Statistics Authority, at Philippine Postal identity cards.
Inihalimbawa rin ni Hontiveros ang pahayag ni Cagayan Rep. Joseph “Jojo” Lara’s na nakatanggap ito ng ulat sa constituents na may agents o fixers ang sumisingil sa foreign student ng P1 million upang makapasok ng Cagayan. Sa halagang ito, 80% ang ibinubulsa ng ahente or fixer, habang ibinibigay sa pamantasan ang 20%.
Kasabay nito, binanggit ni Hontiveros ang pagkuwestiyon ng ilang miyembro ng Armed Forces of the Philippines at National Bureau of Investigation sa residente ng isang subdivision sa Parañaque City hinggil sa malaking grupo ng Chinese national na naninirahan sa exclusive area sa natuarng lugar.
Ayon sa senador, ilang libong foreign ang nagtatrabaho sa Philippine Offshore Gaming Operators (POGOs) ang nakapagpatayo ng exclusive enclave sa naturang residential area.
“It was observed that, at certain times of the day, the foreigners would fall into what appeared to be military formation, and jog around the subdivision while wearing the same black athletic attire, and sporting uniform, military-style haircuts,” ayon sa resolusyon.
Nakatabi ang naturang subdivision ng Ninoy Aquino International Airport (NAIA), hindi hihigit sa limang kilometro ang layo sa Fort Bonifacio at headquarters ng Philippine Air Force sa Villamor Airbase.
Ayon kay Hontiveros, kailangan ang imbestigasyon sa gitna ng isyu sa West Philippine Sea (WPS).
“Sa panahong kaliwa’t kanan ang pag-water cannon ng Tsina sa mga Pilipinong barko, siguro naman may karapatan tayong maalarma. Siguro naman hindi masama magduda. I have led countless Senate inquiries that revealed how foreigners not only abuse our immigration processes, but also use fake documents to obtain birth certificates and Philippine passports. It is only natural that we look into if this trend is, in any way, related to Chinese harassment in the West Philippine Sea,” giit ni Hontiveros.
“The Philippines is not for sale. Nobody should treat our national identity like goods to buy or sell. Sa dami ng mga report tungkol sa mga black market na ito, magtataka ka talaga kung may kinalaman ba ito sa ating pambansang seguridad. Kailangan maliwanagan tayo kung may papel dito ang mismong gubyerno ng Beijing,” dagdag niya. Ernie Reyes
