Home NATIONWIDE Serbisyo at unutilized funds ng OFW Hospital, sinita ng COA

Serbisyo at unutilized funds ng OFW Hospital, sinita ng COA

MANILA, Philippines – Bigong maihatid ng Overseas Filipino Workers (OFW) Hospital ang mga significant medical service nito sa unang taon ng operasyon sa ilalim ng Department of Migrant Workers (DMW) dahil hindi umano nito nagamit ng maayos ang P292.5-million budget para sa equipment, gamot at medical supplies, saad sa audit report.

Dahil dito ay sinita ng Commission on Audit (COA) ang DMW, na nangangasiwa sa ospital sa Pampanga, mula sa Department of Labor and Employment (Dole) noong Enero 2023, dahil sa “inability to effectively manage budget consumption.”

Tinukoy ng COA ang “failure to establish a good working system for procurement, property and inventory management” ng ospital para sa unutilized budget.

“Consequently, the mandate of the hospital to provide free and comprehensive medical services to the OFWs and their dependents was not fully realized,” sinabi ng COA sa report noong Disyembre.

Ang kabuuang unused allocation para sa fiscal year 2023 ay kasama ang continuing fund na nagkakahalaga ng P78.55 million mula sa DOLE, na unang nagpatakbo sa OFW Hospital nang buksan ito noong Mayo 2022.

Ang nalalabing unused amount, sa kabilang banda, ay nasa 67 percent ng kabuuang pondo para sa 2023 na P319.3 million.

Hindi nabili ang mga makinarya at iba pang kagamitan dahil sa kapabayaan sa paggamit umano ng inilaang pondo kabilang ang digital mammogram, mechanical ventilators, X-ray machine, dalawang anesthesia machines, test kits at laboratory reagents.

Ang kapabayaang ito umano ay “indicative of the inability to establish a good working procurement system,” sinabi ng COA, na nakaapekto rin sa epektibong paghahatid ng serbisyo ng government hospital.

Sinabi rin ng state auditor na ang OFW Hospital ay “yet to establish its own bids and awards committee.”

Inisa-isa ng COA examiners ang medical services na isinagawa n ospital, malaking bahagi rito ay ang laboratory tests sa kabuuang 106,278 pasyente, ngunit ipinunto na karamihan sa mga laboratory services na ito ay ginawa sa ibang ospital.

Nasa P7.5 milyong halaga ng diagnostic services at screening tests para sa mga pasyente ng OFW Hospital ang ginawa sa Jose B. Lingad Memorial General Hospital at St. Francis De Sales Diagnostic Center Inc.

“Understandably, setbacks are expected since it was the first year that the department (DMW) managed the operations of the OFW Hospital. Nonetheless, the department should be mindful of finding a concrete solution and a system that will accelerate its procurement processes,” giit ng COA.

Pumayag naman ang pamunuan ng ospital sa ilang rekomendasyon ng state auditors. RNT/JGC