Shabu lab sa Binangonan, winasak ng PDEA

MANILA, Philippines – Winasak ng Philippine Drug Enforcement Agency (PDEA) ang umano’y shabu laboratory sa Barangay Macamot, Binangonan, Rizal noong Martes.

Nasamsam sa nasabing operasyon ang malaking bilang ng umano’y ilegal na droga, controlled precursors, at kagamitan sa laboratoryo.

Kasama sa operasyon ang PDEA Special Enforcement Teams, Rizal Provincial Office, at lokal na pulisya.

Ayon sa imbestigador, ang laboratoryo ay pinapatakbo umano ng mga banyaga na may kasabwat na Pilipino.

Patuloy ang imbestigasyon at inihahanda na ang mga kaso ayon sa Section 8, Article II ng Republic Act 9165 laban sa mga sangkot. Dave Baluyot