Home NATIONWIDE Shear line, amihan magpapaulan sa Luzon

Shear line, amihan magpapaulan sa Luzon

Magdadala ng pag-ulan ang Shear Line sa silangang bahagi ng Timog Luzon, habang apektado ng Amihan ang Hilagang at Gitnang Luzon ngayong Biyernes, ayon sa PAGASA.

Ang Bicol, Quezon, Marinduque, at Oriental Mindoro ay makararanas ng maulap na kalangitan na may kalat-kalat na pag-ulan at thunderstorms na posibleng magdulot ng pagbaha o pagguho ng lupa.

Ang Silangang Visayas, Dinagat Islands, at Surigao del Norte ay makakaranas din ng pag-ulan dulot ng Easterlies. Sa Cagayan Valley, Cordillera, at Aurora, inaasahan ang ulan mula sa Amihan na may banta rin ng pagbaha.

Sa Metro Manila at iba pang bahagi ng Luzon, inaasahan ang mahinang pag-ulan na walang malaking epekto. Sa Visayas at Mindanao, may tsansa ng thunderstorms na maaaring magdulot ng pagbaha o pagguho. Magiging maalon hanggang napakaalon ang karagatan sa Hilagang Luzon. RNT