MANILA, Philippines – Magkakakita ng mas mababang singil sa transmission sa kanilang electric bill ngayong buwan, ayon sa National Grid Corp. of the Philippines (NGCP).
Sa media briefing, bumaba ang average transmission rate para sa supply period ng Disyembre 2025 ng 0.68% mula P1.3547/kWh patungong P1.3455/kWh.
Bumaba rin ang singil para sa ancillary services, mula 62 centavos/kWh noong nakaraang buwan sa 59 centavos/kWh.
“For the January 2026 electric bill of end consumers, NGCP charges only 60 centavos per kWh for the delivery of its services,” sabi ng NGCP.
Ang transmission rates ay sinisingil sa pamamagitan ng distribution utilities at electric cooperatives.
Nitong linggo, inanunsyo rin ng Manila Electric Co. ang isa pang bawas sa kuryente ngayong Enero, na nagresulta sa presyo ng kuryente na P12.9508/kWh. RNT/MND
