MANILA, Philippines – Binawi na ng Office of the Ombudsman (OMB) ang preventive suspension order laban sa 72 National Food Authority (NFA) warehouse supervisors na sangkot umano sa pagbebenta ng buffer stocks ng bigas ng hindi idinadaan sa public bidding at hindi ipinapaalam sa NFA council.
Sa 23 pahinang kautusan, hindi pinangalanan ng OMB ang mga tauhan na nakasama sa suspension order. Gayunman, sinabi ng Ombudsman na ang mga ito ay mga warehouse supervisors sa National Capital Region (NCR), Iloilo, Antique at Cabanatuan City.
Nitong March 1 nagpalabas ang Ombudsman ng six-month preventive suspension laban sa 139 na opisyal at kawani ng NFA kabilang si Administrator Roderico Bioco at Assistant Administrator for Operations John Robert Hermano.
Layon ng preventive suspension na maiwasan na mainpluwensya ang isimasagawang imbestigasyon.
Nakalap na ng Ombudsman ang lahat ng mga dolumento at ebidensya na may kaugnayan sa kaso kung kaya wala nang basehan para manatili sa preventive suspension ang mga warehouse supervisor.
“Moreover, there is insufficient ground to believe that their continued stay in office may prejudice the investigation of the case filed against them. Thus, the continued preventive suspension of the afore-named warehouse supervisors is no longer necessary.” Teresa Tavares