MANILA, Philippines – Idinagdag ng Cambridge Dictionary ang 6,000 bagong salita sa online edition nito, kabilang ang ilang sikat na social media terms ng Gen Z at Gen Alpha gaya ng “skibidi,” “delulu,” at “tradwife.”
Ang “tradwife” o traditional wife ay tumutukoy sa kontrobersyal na trend sa Instagram at TikTok na nagtataguyod ng tradisyunal na gender roles. Ang “skibidi,” na sumikat sa viral na “Skibidi Toilet” memes, ay maaaring mangahulugang “cool,” “bad,” o wala talagang kahulugan. Ang “delulu,” mula sa salitang “delusional,” ay tumutukoy sa paniniwalang bagay na hindi totoo, madalas dahil pinipili mo ito.
“It’s not every day you get to see words like skibidi and delulu make their way into the Cambridge Dictionary. Internet culture is changing the English language,” ayon kay Colin McIntosh, Lexical Programme manager ng Cambridge.
Kabilang din sa mga bagong entry ang “lewk” (natatanging fashion look), “inspo” (inspiration), “mouse jiggler” (paraan para magkunwaring nagtatrabaho online), at “forever chemical” (mga kemikal na gawa ng tao na nananatili sa kapaligiran at nagdudulot ng pangmatagalang pinsala). RNT
