MANILA, Philippines- Lumikha ang Philippine National Police (PNP) ng dalawang specialized committees bilang tugon sa dumaraming insidente ng kidnapping at naglilipanang misinformation at disinformation.
Tututukan ng Joint Anti-Kidnapping Action Committee (JAKAC) ang pagtukoy, pag-imbestiga, at pag-neutralize sa sa organized kidnap-for-hire sa bansa. Pangungunahan ito ni PLTGEN Edgar Alan Okubo, ang Deputy Chief PNP for Investigation (TDCI).
Samantala, pamumunuan ni PLTGEN Robert Rodriguez, ang Deputy Chief PNP for Operations (TDCO), ang Joint Anti-Fake News Action Committee (JAFNAC) na tutugon sa fake news “that threaten public trust, peace, and national stability.”
“These committees are not just organizational measures—they are proactive responses to modern-day threats. From kidnap-for-hire syndicates to digital disinformation campaigns, the PNP is moving decisively to protect our people. This is our commitment to Bagong Pilipinas—ensuring that law and truth prevail,” pahayag ni PNP Chief, Police General Rommel Francisco D. Marbil.
Kasunod umano ang paglikha sa JAKAC sa matagumpay na pagresolba sa kidnapping at murder case ng negosyanteng si Anson Que at kanyang driver na si Armanie Pabillo, na natukoy na isang kidnap-for-hire operation sa pamumuno ng umano’y Chinese national na si David Tan Liao. RNT/SA
