BATAAN, Philippines – Isinailalim na sa state of calamity ang lalawigan ng Bataan, kabilang sa mga lugar na pinakamatinding tinatamaan ng malawakang pagbaha dala ng mga pag-ulan ng habagat at tropical storm Dante at Emong.
Inihayag ni Gobernador Joet Garcia Huwebes ng umaga sa pamamagitan ng kanyang opisyal na social media page na nagpasa ang Sangguniang Panlalawigan ng isang resolusyon na nagdedeklara sa lalawigan sa ilalim ng state of calamity.
Ang hakbang ay nagbibigay-daan sa pamahalaang panlalawigan na kumuha ng mga emergency fund para sa pagkukumpuni ng mga nasirang tahanan at iba pang pangangailangang may kinalaman sa baha.
Ayon sa Provincial Disaster Risk Reduction and Management Office, nasa 44,740 pamilya, o 167,078 indibidwal ang naapektuhan ng baha.
Sa bilang na ito, 1,731 pamilya—katumbas ng 5,923 indibidwal—ang nananatili sa mga evacuation center sa buong lalawigan.
Ang mga lugar na pinakamatinding tinamaan ay kinabibilangan ng mga bayan ng Hermosa, Abucay, Dinalupihan, Samal, Orani, at ang kabisera, ang Lungsod ng Balanga. RNT/MND
