IRAN – Hindi bubuksan ng Iran ang Strait of Hormuz hangga’t hindi naaabot ng Estados Unidos ang pitong kondisyon ng naturang bansa na inilatag sa interim agreement noong Hunyo.
Ipinresenta ng Iran ang proposal sa UN General Assembly kung saan ang Strait of Hormuz ay hindi umano bubuksan at hindi maibabalik sa normal ang pagdaan ng mga barko.
“The position of the Islamic Republic of Iran is completely clear and firm, and the Strait of Hormuz will not be opened until our seven conditions, based on the Islamabad Memorandum of Understanding, are met,” sinabi ni Iran parliament speaker Mohammad Baqer Qalibaf nitong Linggo, Oktubre 4.
Aniya, ang Washington “must understand that the period of dragging out the (diplomatic) process and dictating one-sided demands is over”.
Nilinaw din umano ng Tehran ang posisyon nito sa pamamagitan ng mga mediator sa tugon ng US.
“The Americans’ propositions are more or less in line with their previous positions, specifically on the nuclear issue. We told them our focus in this stage is the issue of the Strait of Hormuz and the return to security in this waterway requires clear steps from the US,” ayon naman kay spokesperson Esmaeil Baghaei.
Itinanggi rin niya na ang Tehran ay nag-alok ng UN nuclear watchdog inspections sa mga nuclear facility nito kapalit ng pagbawi ng sanction ng US.
Hindi umano pumasok ang Iran sa ganitong nuclear discussion kasama ang Washington.
Samantala, sinabi ni Foreign Minister Abbas Araqchi sa mga foreign ambassador at diplomat sa Tehran nitong Linggo na umaasa ang Tehran na pipiliin ng Washington ang diplomasya, kasabay ng babala na ang Iran ay handang lumaban kung pipiliin ulit ng US na umatake.
“If they again move towards military solutions, we are more prepared than before and will take whatever action is necessary to defend ourselves,” sinabi ni Araqchi. RNT/JGC
