Subway deal babawiin ng bagong Makati administration

Ipinahayag nina Atty. Ava Ramel, Legal Officer ng Lungsod ng Makati, at Atty. Christian Robert Lim, pinuno ng transition team ng lungsod, ukol sa desisyon ng bagong administrasyon na bawiin ang pagpayag ng nakaraang pamahalaang lungsod sa Settlement Agreement kaugnay ng kontrobersyal na Makati Subway Project, sa isang press conference sa Makati, Hulyo 8, 2025.

Nakatakdang magsumite ng mosyon sa Singapore International Arbitration Centre (SIAC) sa Hulyo 11 upang pormal na ipahayag ang pagbawi. Bumuo rin ng fact-finding commission upang imbestigahan ang umano’y iregularidad sa Subway Project at iba pang kasunduang PPP.