MANILA, Philippines – Sumiklab ang sunog sa gusali ng Senado sa Pasay City nitong Linggo ng umaga, Nobyembre 30 ayon sa Bureau of Fire Protection – National Capital Region (BFP-NCR).
Sa report, sinabi ng BFP-NCR na ang sunog ay iniulat 6:30 ng umaga at umabot sa ikalawang alarma pagsapit ng 6:58 ng umaga.
Limang fire trucks at ambulansya ang rumesponde sa lugar.
Idineklarang fire out ang sunog 8:20 ng umaga.
Nagsimula umano ang sunog sa commercial area sa ikatlong palapag.
Wala pa namang impormasyon na inilalabas ang BFP-NCR sa posibleng nasaktan, halaga ng pinsala at sanhi ng sunog. RNT/JGC
